Ансу Фати "Барселона"даги даври ва "Монако"га ўтиши ҳақида фикр билдирди.
Олдинроқ, Каталония клуби ва 22 ёшли қанот ҳужумчиси шартномани 2028 йил 30 июнгача узайтирганини маълум қилишганди. Шундан сўнг, "кўк-анорранглилар" футболчини "Монако"га бир мавсумга ижарага берди.
"Очиғини айтганда, ўзгаришлар яхшиликка деб ўйлайман. Мен бу мавсумда шу ерда бўламан, аммо ўсиб-улғайган ва тажриба орттирган клубимга доимо миннатдор бўлиб қоламан. Кўпчилик уни салбий баҳоласа-да, мен учун бу ажойиб тажриба бўлди.
Бошида жуда яхши бошлаган эдим, тўғри. Кейин эса жароҳат олдим ва ўзим хоҳлагандек барқарорликка эриша олмадим.
Умид қиламанки, бу ерда ҳамма нарса бошқача бўлади ва мен ўзимга зарур бўлган барқарорликка эришаман. Энг муҳими шу: изчиллик ва агар мураббий лозим топса, кўп ўйнаш имкониятига эга бўлиш", - деди Фати.
