Pol Pogba yaqin orada "Monako" safida debyut qilmaydi.
Klub bosh direktori Tiago Skura Fransiya chempionati 1-turidan o‘rin olgan "Gavr"ga qarshi o‘yinda yangi kelgan futbolchi aniq ishtirok etmasligini ma’lum qildi.
"Men "Gavr"ga qarshi o‘yinda u maydonga tushmasligiga kafolat bera olaman. Realist bo‘laylik. Jarayon uch oy davom etishini kutmoqdamiz. Yuqori darajadagi sport ko‘p jihatdan ilm-fanga asoslangan, shuning uchun hammasi oson emas.
"Monako" - eng shiddatli harakat qilayotgan jamoalardan biri. Biz shunday uslubda o‘ynayapmizki, buning uchun yaxshi jismoniy formada bo‘lish talab etiladi," - dedi Skuro va Pogba uchun hozir asosiy narsa - yuklamalarni asta-sekin oshirib borish ekanini qo‘shimcha qildi.













