Поль Погба яқин орада "Монако" сафида дебют қилмайди.
Клуб бош директори Тиаго Скура Франция чемпионати 1-туридан ўрин олган "Гавр"га қарши ўйинда янги келган футболчи аниқ иштирок этмаслигини маълум қилди.
"Мен "Гавр"га қарши ўйинда у майдонга тушмаслигига кафолат бера оламан. Реалист бўлайлик. Жараён уч ой давом этишини кутмоқдамиз. Юқори даражадаги спорт кўп жиҳатдан илм-фанга асосланган, шунинг учун ҳаммаси осон эмас.
"Монако" - энг шиддатли ҳаракат қилаётган жамоалардан бири. Биз шундай услубда ўйнаяпмизки, бунинг учун яхши жисмоний формада бўлиш талаб этилади," - деди Скуро ва Погба учун ҳозир асосий нарса - юкламаларни аста-секин ошириб бориш эканини қўшимча қилди.
