"Manchester Siti" hujumchisi Erling Xoland Diogu Jotaning o‘limi haqidagi qayg‘uli xabarga munosabat bildirib, post qoldirdi. "Liverpul" va Portugaliya terma jamoasi hujumchisi Ispaniyada yo‘l-transport hodisasi qurboni bo‘ldi. Baxtsiz hodisada Jotaning ukasi Andre Silva ham halok bo‘ldi. U ham futbolchi edi. Yo‘l-transport hodisasi yorilib ketgan shina tufayli sodir bo‘lgan deb taxmin qilinmoqda.

- Ruhingiz shod bo‘lsin, Diogu. Juda erta ketdingiz..." - deb yozdi Xoland ijtimoiy tarmoqda.

Bahorda Diogu Jota "Liverpul" tarkibida Angliya chempioni bo‘ldi. Iyun oyida Jota Portugaliya terma jamoasi bilan Millatlar ligasida g‘olib chiqdi. Yaqindagina 28 yoshli portugaliyalik uylandi...