"Манчестер Сити" ҳужумчиси Эрлинг Холанд Диогу Жотанинг ўлими ҳақидаги қайғули хабарга муносабат билдириб, пост қолдирди. "Ливерпуль" ва Португалия терма жамоаси ҳужумчиси Испанияда йўл-транспорт ҳодисаси қурбони бўлди. Бахтсиз ҳодисада Жотанинг укаси Андре Силва ҳам ҳалок бўлди. У ҳам футболчи эди. Йўл-транспорт ҳодисаси ёрилиб кетган шина туфайли содир бўлган деб тахмин қилинмоқда.
- Руҳингиз шод бўлсин, Диогу. Жуда эрта кетдингиз..." - деб ёзди Холанд ижтимоий тармоқда.
Баҳорда Диогу Жота "Ливерпуль" таркибида Англия чемпиони бўлди. Июнь ойида Жота Португалия терма жамоаси билан Миллатлар лигасида ғолиб чиқди. Яқиндагина 28 ёшли португалиялик уйланди...













