"Tottenxem"ning 27 yoshli markaziy himoyachisi Kristian Romeroga Madridning "Real" va "Atletiko" klublari qiziqish bildirishda davom etmoqda. Bu haqda Caught Offside xabar bermoqda.
Manbaga ko‘ra, argentinalik futbolchining ushbu klublardan biriga o‘tishida "shporlar" belgilagan 70 mln yevrolik narx katta to‘siq bo‘lib turibdi. "Real" va "Atletiko" uni yuqori deb hisoblamoqda. "Matraschilar"ning fikricha, himoyachi 50 foizga arzonroq turadi. Ta’kidlanishicha, "qaymoqranglilar" yanada aniqroq qadamlar qo‘yishi mumkin.
O‘tgan mavsumda Romero barcha musobaqalarda 26ta o‘yinda maydonga tushib, 1ta gol va 2ta assistni o‘z hisobiga yozdirib qo‘ydi. Futbolchining klub bilan amaldagi mehnat shartnomasi 2027 yilning yoziga qadar mo‘ljallangan. Transfermarkt portalida keltirilgan ma’lumotlarga ko‘ra, futbolchining bozor narxi 50 mln yevroni tashkil etadi.
