"Тоттенхэм"нинг 27 ёшли марказий ҳимоячиси Кристиан Ромерога Мадриднинг "Реал" ва "Атлетико" клублари қизиқиш билдиришда давом этмоқда. Бу ҳақда Caught Offside хабар бермоқда.
Манбага кўра, аргентиналик футболчининг ушбу клублардан бирига ўтишида "шпорлар" белгилаган 70 млн евролик нарх катта тўсиқ бўлиб турибди. "Реал" ва "Атлетико" уни юқори деб ҳисобламоқда. "Матрасчилар"нинг фикрича, ҳимоячи 50 фоизга арзонроқ туради. Таъкидланишича, "қаймоқранглилар" янада аниқроқ қадамлар қўйиши мумкин.
Ўтган мавсумда Ромеро барча мусобақаларда 26та ўйинда майдонга тушиб, 1та гол ва 2та ассистни ўз ҳисобига ёздириб қўйди. Футболчининг клуб билан амалдаги меҳнат шартномаси 2027 йилнинг ёзига қадар мўлжалланган. Transfermarkt порталида келтирилган маълумотларга кўра, футболчининг бозор нархи 50 млн еврони ташкил этади.
