Chiro Immobile "Beshiktosh"ni tark etdi.
"Professional futbolchi Chiro Immobile bilan shartnoma bekor qilindi. Immobilega klubimiz oldidagi xizmatlari uchun minnatdorchilik bildiramiz va kelajakdagi faoliyatida muvaffaqiyatlar tilaymiz", - deyiladi "Beshiktosh" saytida.
Shuningdek, turk klubi 35 yoshli hujumchi bilan kelishuv o‘zaro kelishuvga ko‘ra bekor qilinganini ta’kidladi. Futbolchiga 2 625 000 yevro miqdorida tovon puli to‘lanadi.
Italiyalik futbolchi o‘tgan yozda "Lasio"dan 3 million yevro evaziga "Beshiktosh"ga o‘tgan va ikki yillik shartnoma imzolagandi. O‘tgan mavsumda forvard 41 ta o‘yin o‘tkazib, 19 ta gol urgan.
Immobilening "Bolonya"ga o‘tishi avvalroq xabar qilingandi.
