Чиро Иммобиле "Бешиктош"ни тарк этди.
"Профессионал футболчи Чиро Иммобиле билан шартнома бекор қилинди. Иммобилега клубимиз олдидаги хизматлари учун миннатдорчилик билдирамиз ва келажакдаги фаолиятида муваффақиятлар тилаймиз", - дейилади "Бешиктош" сайтида.
Шунингдек, турк клуби 35 ёшли ҳужумчи билан келишув ўзаро келишувга кўра бекор қилинганини таъкидлади. Футболчига 2 625 000 евро миқдорида товон пули тўланади.
Италиялик футболчи ўтган ёзда "Лацио"дан 3 миллион евро эвазига "Бешиктош"га ўтган ва икки йиллик шартнома имзолаганди. Ўтган мавсумда форвард 41 та ўйин ўтказиб, 19 та гол урган.
Иммобиленинг "Болонья"га ўтиши аввалроқ хабар қилинганди.
