"Bavariya" yarim himoyachisi Yozua Kimmix klublar o‘rtasidagi jahon chempionati chorak finalida "PSJ"ga qarshi o‘yindan oldinga fikrlari bilan o‘rtoqlashdi. O‘yin bugun, 5 iyul kuni Atlanta shahrida bo‘lib o‘tadi va Toshkent vaqti bilan soat 21:00da boshlanadi.
"PSJ"da har bir pozisiyada eng yaxshi futbolchilar bor. Ular har qanday vaziyatda ham gol urishni bilishadi. Ikkala jamoa ham juda dinamik futbol o‘ynashadi. Neytral tomoshabin bo‘lganimda shunday futbolni divanda ko‘rgan bo‘lardim. Biz so‘nggi yillarda "PSJ" bilan tez-tez o‘ynadik. 2020 yilgi Chempionlar ligasi finali (1:0) faoliyatimdagi eng yorqin voqea bo‘ldi. "PSJ" - o‘zgacha raqib", - dedi Kimmix Bayern & Germany bilan suhbatda.
