"Бавария" ярим ҳимоячиси Йозуа Киммих клублар ўртасидаги жаҳон чемпионати чорак финалида "ПСЖ"га қарши ўйиндан олдинга фикрлари билан ўртоқлашди. Ўйин бугун, 5 июль куни Атланта шаҳрида бўлиб ўтади ва Тошкент вақти билан соат 21:00да бошланади.
"ПСЖ"да ҳар бир позицияда энг яхши футболчилар бор. Улар ҳар қандай вазиятда ҳам гол уришни билишади. Иккала жамоа ҳам жуда динамик футбол ўйнашади. Нейтрал томошабин бўлганимда шундай футболни диванда кўрган бўлардим. Биз сўнгги йилларда "ПСЖ" билан тез-тез ўйнадик. 2020 йилги Чемпионлар лигаси финали (1:0) фаолиятимдаги энг ёрқин воқеа бўлди. "ПСЖ" - ўзгача рақиб", - деди Киммих Bayern & Germany билан суҳбатда.
