"Bavariya"ning hujumkor yarim himoyachisi Jamol Musiala klublar o‘rtasidagi jahon chempionatida "PSJ"ga qarshi o‘yinda og‘ir jarohat oldi.
22 yoshli futbolchi darvozabon Janluiji Donnarumma bilan to‘qnashuv natijasida kichik boldir suyagini sindirib olgan. Taxminlarga ko‘ra, myunxenliklar hujumining yetakchisi to‘rt oydan besh oygacha safdan chiqadi.
Nemis ommaviy axborot vositalari darhol "Bavariya" faxriy Tomas Myuller bilan Musiala yo‘qligida shoshilinch ravishda yangi qisqa muddatli shartnoma imzolashi mumkinligini taxmin qilishdi, ammo klubda mish-mish tasdiqlanmadi: "Bu haqda gap bo‘lmagan. Biz bunday narsa haqida o‘ylamaymiz," - dedi "Bavariya" sport bo‘limi rahbari Maks Eberl Sport1 nashriga bergan intervyusida.
"PSJ" bilan shanba kungi o‘yin Tomas Myuller uchun "Bavariya"dan ketish oldidan oxirgi o‘yin bo‘ldi. 35 yoshli forvard klubni erkin agent sifatida tark etmoqda.
