Madridning "Real" klubi bosh murabbiyi Xabi Alonso KO‘JCH chorak finalidan o‘rin olgan "Borussiya Dortmund"ga qarshi g‘alabali (3:2) o‘yindan so‘ng yarim himoyachisi Arda Gyuler haqida fikr bildirdi.

Arda o‘yinda jamoasining 1-goli muallifi Gonsalo Garsiyaga assist berdi.

"Gyulerning o‘yinida ayrim jihatlarni kuchaytirish kerak, ammo buni faqat amaliyot orqali amalga oshirish mumkin. U bizga juda katta yordam bermoqda, shuning uchun biz ham uning rivojlanishini qo‘llab-quvvatlashimiz lozim", - dedi Xabi Alonso.

20 yoshli turkiyalik futbolchi KO‘JCHda 5 ta o‘yinda 1 ta gol urib, 2 ta assist berdi.