Мадриднинг "Реал" клуби бош мураббийи Хаби Алонсо КЎЖЧ чорак финалидан ўрин олган "Боруссия Дортмунд"га қарши ғалабали (3:2) ўйиндан сўнг ярим ҳимоячиси Арда Гюлер ҳақида фикр билдирди.
Арда ўйинда жамоасининг 1-голи муаллифи Гонсало Гарсияга ассист берди.
"Гюлернинг ўйинида айрим жиҳатларни кучайтириш керак, аммо буни фақат амалиёт орқали амалга ошириш мумкин. У бизга жуда катта ёрдам бермоқда, шунинг учун биз ҳам унинг ривожланишини қўллаб-қувватлашимиз лозим", - деди Хаби Алонсо.
20 ёшли туркиялик футболчи КЎЖЧда 5 та ўйинда 1 та гол уриб, 2 та ассист берди.
