Serbiyalik hujumchi Dushan Vlaxovich yaqin orada 15 million yevrodan oshmaydigan summa evaziga "Yuventus"ni tark etishi mumkin. Bu haqda TEAMtalk nashri xabar bermoqda.

Manbaga ko‘ra, "Yuventus" futbolchini sotishni tezroq yakunlash, shuningdek, serbning amaldagi shartnomasi tugashiga atigi bir yil qolgani sababli futbolchini 2026 yilning yozida tekinga qo‘yib yubormaslik uchun uning dastlabki so‘ralgan narxini 50 foizga pasaytirgan. Bundan tashqari, tezlashtirilgan sotuv "Yuventus"ga hujumni kuchaytirish uchun klubning asosiy maqsadi bo‘lib qolayotgan Randal Kolo Muanini saqlab qolish uchun harakatlarini yo‘naltirishga yordam beradi.

Angliya Premyer-ligasining ikki klubi forvard xizmatlariga qiziqish bildirmoqda va transferni yakunlash imkoniyatiga ega: “Aston Villa” va “Nottingem Forest”. Biroq, ular Vlaxovichning ish haqi bo‘yicha istaklarini qondirishga tayyor emaslar.

O‘tgan klub mavsumida Vlahovich 44 ta o‘yinda 17 ta gol urdi va 5 ta golli uzatmani amalga oshirdi. Transfermarkt internet portaliga ko‘ra, futbolchining taxminiy narxi 35 million yevroni tashkil qiladi.