Сербиялик ҳужумчи Душан Влахович яқин орада 15 миллион евродан ошмайдиган сумма эвазига "Ювентус"ни тарк этиши мумкин. Бу ҳақда TEAMtalk нашри хабар бермоқда.
Манбага кўра, "Ювентус" футболчини сотишни тезроқ якунлаш, шунингдек, сербнинг амалдаги шартномаси тугашига атиги бир йил қолгани сабабли футболчини 2026 йилнинг ёзида текинга қўйиб юбормаслик учун унинг дастлабки сўралган нархини 50 фоизга пасайтирган. Бундан ташқари, тезлаштирилган сотув "Ювентус"га ҳужумни кучайтириш учун клубнинг асосий мақсади бўлиб қолаётган Рандал Коло Муанини сақлаб қолиш учун ҳаракатларини йўналтиришга ёрдам беради.
Англия Премьер-лигасининг икки клуби форвард хизматларига қизиқиш билдирмоқда ва трансферни якунлаш имкониятига эга: “Астон Вилла” ва “Ноттингем Форест”. Бироқ, улар Влаховичнинг иш ҳақи бўйича истакларини қондиришга тайёр эмаслар.
Ўтган клуб мавсумида Влаҳович 44 та ўйинда 17 та гол урди ва 5 та голли узатмани амалга оширди. Transfermarkt интернет порталига кўра, футболчининг тахминий нархи 35 миллион еврони ташкил қилади.
