“Toronto” vingeri Lorenso Insinye jamoani tark etdi. Bu haqda MLS rasmiy sayti xabar berdi. Futbolchi va klub o‘zaro hamkorlikni muddatidan oldin yakunlashga kelishib oldi.
“Men o‘zimni yaxshi his qilyapman, oilam bilan birgalikda dam olishni istayman. Imkon qadar maydonga qaytishga umid qilaman. Agentim barcha muzokaralarni olib bormoqda. Italiya terma jamoasiga qaytish? Bu - mening asosiy maqsadim hisoblanadi”, - dedi Insinye.
Eslatib o‘tamiz, Insinye 2022 yilning yanvaridan beri ushbu jamoa safida to‘p surib keladi. Bu vaqt davomida 76 ta o‘yin o‘tkazib, 19 ta gol urdi va 18 ta golli uzatmani amalga oshirdi.
