Sobiq markaziy himoyachi Salvatore Bokketti "Atalanta" yoshlar jamoasining yangi bosh murabbiyiga aylanadi. Bu haqda insayder Nikolo Skira xabar bermoqda.
Manbaga ko‘ra, 38 yoshli italiyalik sobiq futbolchi klub bilan 2027 yilgacha mo‘ljallangan mehnat shartnomasini imzolaydi.
Eslatib o‘tamiz, Bokketti futbolchilik faoliyatini yakunlagach, "Verona" va "Monsa" klublarini boshqargan edi. Joriy yilning fevral oyidan buyon italiyalik ishsiz edi.
"Atalanta" yoshlari o‘tgan mavsumni S Seriya turnir jadvalida sakkizinchi o‘rinda yakunladi va pley-offga yo‘l oldi, ammo yuqoriga ko‘tarila olmadi.
