Собиқ марказий ҳимоячи Сальваторе Боккетти "Аталанта" ёшлар жамоасининг янги бош мураббийига айланади. Бу ҳақда инсайдер Николо Скира хабар бермоқда.
Манбага кўра, 38 ёшли италиялик собиқ футболчи клуб билан 2027 йилгача мўлжалланган меҳнат шартномасини имзолайди.
Эслатиб ўтамиз, Боккетти футболчилик фаолиятини якунлагач, "Верона" ва "Монца" клубларини бошқарган эди. Жорий йилнинг февраль ойидан буён италиялик ишсиз эди.
"Аталанта" ёшлари ўтган мавсумни С Серия турнир жадвалида саккизинчи ўринда якунлади ва плей-оффга йўл олди, аммо юқорига кўтарила олмади.
