"Chelsi" futbolchilari "Fluminense"ga qarshi o‘yin uchun chiptalar savdosini rag‘batlantirishga harakat qilishdi.

Bugun klublar o‘rtasidagi jahon chempionatining yarim finali bo‘lib o‘tadi.

"Chelsi" futbolchilari Enso Fernandes, Joau Pedro, Nikolas Jekson, Moyzes Kaysedo va Robert Sanches o‘zlarining ijtimoiy tarmoqlardagi akkauntlarida FIFAning klublar o‘rtasidagi Jahon chempionati chiptalari sotuvi veb-saytiga havolalar joylashtirdilar. Futbolchilar bo‘lajak o‘yinga muxlislarni jalb qilish maqsadida shunday qilishdi.

Yarim final kunduzi bo‘lib o‘tishi munosabati bilan tribunalarda ko‘plab bo‘sh o‘rindiqlar bo‘lishidan xavotirlar bor. "Fluminense" muxlislari "Chelsi" muxlislaridan ko‘proq bo‘lishi kutilmoqda.

Qayd etilishicha, 6,8 million obunachiga ega Koul Palmer o‘yinni reklama qilmagan va chiptalarga havola ham bermagan.

Seshanba kuni ertalab "Chelsi" - "Fluminense" o‘yini uchun chiptalarni taxminan 45 funt sterlingga sotib olish mumkin edi.