"Челси" футболчилари "Флуминенсе"га қарши ўйин учун чипталар савдосини рағбатлантиришга ҳаракат қилишди.
Бугун клублар ўртасидаги жаҳон чемпионатининг ярим финали бўлиб ўтади.
"Челси" футболчилари Энцо Фернандес, Жоау Педро, Николас Жексон, Мойзес Кайседо ва Роберт Санчес ўзларининг ижтимоий тармоқлардаги аккаунтларида ФИФАнинг клублар ўртасидаги Жаҳон чемпионати чипталари сотуви веб-сайтига ҳаволалар жойлаштирдилар. Футболчилар бўлажак ўйинга мухлисларни жалб қилиш мақсадида шундай қилишди.
Ярим финал кундузи бўлиб ўтиши муносабати билан трибуналарда кўплаб бўш ўриндиқлар бўлишидан хавотирлар бор. "Флуминенсе" мухлислари "Челси" мухлисларидан кўпроқ бўлиши кутилмоқда.
Қайд этилишича, 6,8 миллион обуначига эга Коул Палмер ўйинни реклама қилмаган ва чипталарга ҳавола ҳам бермаган.
Сешанба куни эрталаб "Челси" - "Флуминенсе" ўйини учун чипталарни тахминан 45 фунт стерлингга сотиб олиш мумкин эди.
