Londonning "Chelsi" klubi hujumchisi Kristofer Nkunku Yevropaning yana bir top-klubi qiziqishlari doirasiga tushib qoldi.
27 yoshli futbolchiga da’vogarlar ro‘yxatini Milanning "Inter" klubi to‘ldirdi, deya xabar bermoqda insayder Janluka di Marsio. "Neradzurrilar" jamoaning hozirgi hujumchilarida yo‘q xususiyatlarga ega futbolchi bilan hujum chizig‘ini yangilashni istamoqda.
Kristofer Nkunkuga muzokaralarni boshlamagan "Bavariya" ham qiziqish bildirmoqda. Fransiyalik futbolchining mashhur Transfermarkt saytidagi taxminiy narxi - 35 mln yevro. "RB Leypsig" sobiq yulduzining "Chelsi" bilan shartnomasi 2029 yilning yarmigacha mo‘ljallangan.













