Madridning "Real" klubi "Benfika" qanot himoyachisi Albvaro Karrerasni o‘z safiga qo‘shib olishga yaqin turibdi. Bu haqda jurnalist va insayder Fabrisio Romano X ijtimoiy tarmog‘ida ma’lum qildi.
Insayderning ma’lum qilishicha, muzokaralar doirasida "Real" yoshlar klubining chap qanot himoyachisi Rafael Obradorning "Benfika"ga o‘tishi masalasi ko‘rib chiqilmoqda. Aniqlik kiritilishicha, bitim yakuniy bosqichda, futbolchi yaqin kunlarda "burgutlar" tarkibini to‘ldiradi.
Qayd etilishicha, Karreras klublar o‘rtasidagi jahon chempionati yakunlangach, "Real" safiga borib qo‘shiladi.
Eslatib o‘tamiz, Karreras o‘tgan mavsum 52 ta o‘yinda maydonga tushib, 4 ta gol va 5 ta golli uzatmaga mualliflik qilgan edi.













