"Milan" himoyachisi Malik Tiau "Komo"ga o‘tishga rozimi yoki yo‘qmi, yaqin kunlarda javob berishi kerak.
Futbolchi "rossonerilar"ni tark etishni istamayapti, ammo klub nemis futbolchisini sotishdan manfaatdor.
Sesk Fabregas jamoasi Tiauga mavsumiga 4 million yevro maosh bilan shartnoma taklif qilishga va himoyachining hozirgi klubiga 25 million yevroga yaqin transfer summasini to‘lashga tayyor.
Germaniya terma jamoasining 23 yoshli futbolchisi 2022 yilda "Shalke-04"dan "Milan"ga ko‘chib o‘tgandi. Bu vaqt ichida himoyachi A seriyada 54ta o‘yin o‘tkazib, Italiya Superkubogini qo‘lga kiritdi.













