SSKA klubining sobiq himoyachisi Ivan Taranov Abbosbek Fayzullayevning jamoani tark etishi ehtimoli haqida fikr bildirdi.

— Eng avvalo, Fayzullayevning o‘zi nima haqida o‘ylayotganini tushunish kerak. Agar u rivojlanishni boshqa chempionatda ko‘rayotgan bo‘lsa, SSKA uni sotishi kerak. Lekin agar u Rossiyada o‘ynashni istasa va klubga sadoqatli bo‘lsa, bunday futbolchini saqlab qolish uchun barcha choralarni ko‘rish kerak.

Sxema — bu shunchaki sxema, xolos. O‘yinni futbolchilar qurishadi. Tayyor qoliplar bo‘yicha o‘ynash mumkin emas, chunki barcha qarorlar bir lahzada qabul qilinadi. Fayzullayevning SSKAdagi kelajagi haqida yangi o‘yin sxemasidan kelib chiqib gapirish noto‘g‘ri. Futbolchilar aynan shuning uchun professional, turli sxemalarga moslashishlari kerak, — dedi Taranov «Chempionat» muxbiri Vladislav Kruglov bilan suhbatda.