"Vest Xem" vingeri Muhammad Kudus faoliyatini "Tottenxem"da davom ettiradi.
Nufuzli insayder Fabrisio Romanoning so‘zlariga ko‘ra, Kudus bugun "Tottenxem"da tibbiy ko‘rikdan o‘tadi. Klublar kerakli hujjatlarni almashishni boshlab yuborgan. Kudus 2031 yilgacha shartnoma imzolashi kutilmoqda.
Ta’kidlanishicha, kelishuv 63,8 million yevroni tashkil qiladi. Biroq, "shporlar" bu pulni darhol emas, balki uch yil ichida o‘tkazadi.
O‘tgan mavsumda 24 yoshli Kudus barcha musobaqalarda 35 ta o‘yinda qatnashib, 5 ta gol urdi va to‘rtta golli uzatma muallifiga aylandi.













