"Вест Хэм" вингери Муҳаммад Кудус фаолиятини "Тоттенхэм"да давом эттиради.
Нуфузли инсайдер Фабрицио Романонинг сўзларига кўра, Кудус бугун "Тоттенхэм"да тиббий кўрикдан ўтади. Клублар керакли ҳужжатларни алмашишни бошлаб юборган. Кудус 2031 йилгача шартнома имзолаши кутилмоқда.
Таъкидланишича, келишув 63,8 миллион еврони ташкил қилади. Бироқ, "шпорлар" бу пулни дарҳол эмас, балки уч йил ичида ўтказади.
Ўтган мавсумда 24 ёшли Кудус барча мусобақаларда 35 та ўйинда қатнашиб, 5 та гол урди ва тўртта голли узатма муаллифига айланди.













