"Real" hujumchisi Endrik Ispaniyada yangi mavsum boshlanishini o‘tkazib yuborishi mumkin.

The Athletic nashri xabariga ko‘ra, 18 yoshli braziliyalik futbolchi 18 may kuni La Liganing 37-turida "Sevilya"ga qarshi o‘yinda olgan son mushaklari jarohatini qaytalab olgan. Ushbu jarohat tufayli u butun klublar o‘rtasidagi jahon chempionatini o‘tkazib yubordi.

2024/25 yilgi mavsumda Endrik "Los-Blankos" safida barcha musobaqalarda 37 ta o‘yinda maydonga tushib, 7 ta gol urdi va 1 ta golli uzatmani amalga oshirdi.

"Real Madrid"ning navbatdagi rasmiy o‘yini 19 avgust kuni bo‘lib o‘tadi - Madrid klubi Ispaniya chempionatining 1-turida "Osasuna"ni qabul qiladi.