"Реал" ҳужумчиси Эндрик Испанияда янги мавсум бошланишини ўтказиб юбориши мумкин.
The Athletic нашри хабарига кўра, 18 ёшли бразилиялик футболчи 18 май куни Ла Лиганинг 37-турида "Севилья"га қарши ўйинда олган сон мушаклари жароҳатини қайталаб олган. Ушбу жароҳат туфайли у бутун клублар ўртасидаги жаҳон чемпионатини ўтказиб юборди.
2024/25 йилги мавсумда Эндрик "Лос-Бланкос" сафида барча мусобақаларда 37 та ўйинда майдонга тушиб, 7 та гол урди ва 1 та голли узатмани амалга оширди.
"Реал Мадрид"нинг навбатдаги расмий ўйини 19 август куни бўлиб ўтади - Мадрид клуби Испания чемпионатининг 1-турида "Осасуна"ни қабул қилади.
