"Liverpul" bosh direktori Billi Xoganning aytishicha, mersisaydliklar yo‘l-transport hodisasi oqibatida halok bo‘lgan Diogu Jota xotirasini abadiylashtirish bo‘yicha uzoq muddatli rejalarga ega.

Portugaliyalik vinger "Liverpul" safida 2020 yildan buyon to‘p tepib kelayotgandi. "Qizillar" bilan birgalikda u Angliya chempioni bo‘ldi, mamlakat kubogi va Angliya liga kubogini qo‘lga kiritdi.

"Biror narsa haqida gapirishga hali erta, atigi bir necha kun o‘tdi. Menimcha, bu jarayonda eng muhimi Diogu oilasiga hurmat ko‘rsatayotganimizga ishonch hosil qilishdir. Klubda ham, muxlislarda ham g‘oyalar ko‘p. Biz hammasini Diogu oilasi bilan muhokama qilamiz.

Biz, albatta, Andre va Dioguni eslaymiz va o‘z vaqtida rejalarimizni e’lon qilamiz," - deya Xoganning so‘zlarini keltiradi This is Anfield.