"Ливерпуль" бош директори Билли Хоганнинг айтишича, мерсисайдликлар йўл-транспорт ҳодисаси оқибатида ҳалок бўлган Диогу Жота хотирасини абадийлаштириш бўйича узоқ муддатли режаларга эга.
Португалиялик вингер "Ливерпуль" сафида 2020 йилдан буён тўп тепиб келаётганди. "Қизиллар" билан биргаликда у Англия чемпиони бўлди, мамлакат кубоги ва Англия лига кубогини қўлга киритди.
"Бирор нарса ҳақида гапиришга ҳали эрта, атиги бир неча кун ўтди. Менимча, бу жараёнда энг муҳими Диогу оиласига ҳурмат кўрсатаётганимизга ишонч ҳосил қилишдир. Клубда ҳам, мухлисларда ҳам ғоялар кўп. Биз ҳаммасини Диогу оиласи билан муҳокама қиламиз.
Биз, албатта, Андре ва Диогуни эслаймиз ва ўз вақтида режаларимизни эълон қиламиз," - дея Хоганнинг сўзларини келтиради This is Anfield.
