"Liverpul" yakshanba kuni "Preston"ga qarshi rejalashtirilgan o‘yinni o‘tkazadi.
ESPN xabariga ko‘ra, o‘rtoqlik o‘yini rejalashtirilganidek 13 iyul kuni bo‘lib o‘tadi.
"Qizillar"ning yozgi mavsumoldi ilk o‘yini o‘tgan haftada hujumchi Diogu Jota va uning ukasi Andre Silva YTHda halok bo‘lganidan so‘ng so‘roq ostida qoldi. Ammo yakunda mersisaydliklar o‘yinni o‘tkazishga qaror qildi.
Unda seshanba kuni mashg‘ulotlarga kirishgan bir nechta asosiy tarkib futbolchilari ishtirok etishi mumkin.
O‘tgan shanba kuni Portugaliyada bo‘lib o‘tgan futbolchilarning dafn marosimida ko‘plab futbolchilar ishtirok etgani uchun jamoaning bazaga qaytishi kechiktirildi.













