Leverkuzenning "Bayer" klubi "Albasete" forvardi Kristian Kofaneni o‘z safiga qo‘shib oldi. Kamerunlik 18 yoshli hujumchi bilan 4 yillik shartnoma imzolangan.
"Albasete" safida Kofani so‘nggi bir yil davomida o‘ynadi. U ilgari Kamerunning "AS Nilon" klubida yoshlar darajasida o‘ynagan. Transfermarkt portali ma’lumotlariga ko‘ra, "Bayer" yangi futbolchi uchun 5 mln yevro to‘lagan.
O‘tgan mavsumda Kofane "Albasete" safida 20 ta o‘yinda maydonga tushdi. Ularda u sakkiz marta gol urdi, shuningdek, bitta golli uzatmani amalga oshirdi.













