"Bavariya" hujumchi Nik Voltemadeni transfer qilish bo‘yicha ishlarni davom ettirmoqda. Transfer News Live nashrining Bild'ga tayanib xabar berishicha, "Shtutgart" Myunxendan kelgan 40 million yevrolik taklifni rad etgan. Yana 5 million yevro bonus sifatida taklif qilingandi.
Nik Voltemade "Shtutgart"da bir mavsum o‘tkazdi. "Shvablar" safida 33 ta o‘yinda hujumchi o‘z hisobiga 17 ta gol va sheriklariga 3 ta golli uzatma yozdirib qo‘ygan. Voltemadening amaldagi shartnomasi 2028 yilning yarmigacha mo‘ljallangan.
Eslatib o‘tamiz, 23 yoshli Voltemade iyun oyi boshida Germaniya terma jamoasi safida debyut qilgan edi.
