"Бавария" ҳужумчи Ник Вольтемадени трансфер қилиш бўйича ишларни давом эттирмоқда. Transfer News Live нашрининг Bild'га таяниб хабар беришича, "Штутгарт" Мюнхендан келган 40 миллион евролик таклифни рад этган. Яна 5 миллион евро бонус сифатида таклиф қилинганди.
Ник Вольтемаде "Штутгарт"да бир мавсум ўтказди. "Шваблар" сафида 33 та ўйинда ҳужумчи ўз ҳисобига 17 та гол ва шерикларига 3 та голли узатма ёздириб қўйган. Вольтемаденинг амалдаги шартномаси 2028 йилнинг ярмигача мўлжалланган.
Эслатиб ўтамиз, 23 ёшли Вольтемаде июнь ойи бошида Германия терма жамоаси сафида дебют қилган эди.
