Londonning "Arsenal" klubi vinger Leandro Trossarning narxini aniqlab oldi. Kuni kecha paydo bo‘lgan mish-mishlarga ishonadigan bo‘lsak, belgiyalik futbolchini "Fenerbahche" o‘z safiga qo‘shib olmoqchi - turk klubi uning uchun 15 mln yevro to‘lashga tayyor. Ko‘rinishidan, bu yetarli bo‘lmaydi, chunki "kanonirlar" 30 yoshli futbolchini 25 mln yevroga baholamoqda, deya xabar bermoqda jurnalist Ekrem Konur.

Angliya grandi Trossard bilan shartnomani uzaytirish bo‘yicha muzokaralar olib bormoqda, biroq futbolchining maosh bo‘yicha talablari tufayli muzokaralar hozircha muvaffaqiyatli yakunlanmadi. Vaziyatni Premyer-liganing boshqa klublari, shuningdek, La Liga, A Seriya va Saudiya Arabistoni chempionati vakillari kuzatib bormoqda.