Лондоннинг "Арсенал" клуби вингер Леандро Троссарнинг нархини аниқлаб олди. Куни кеча пайдо бўлган миш-мишларга ишонадиган бўлсак, бельгиялик футболчини "Фенербаҳче" ўз сафига қўшиб олмоқчи - турк клуби унинг учун 15 млн евро тўлашга тайёр. Кўринишидан, бу етарли бўлмайди, чунки "канонирлар" 30 ёшли футболчини 25 млн еврога баҳоламоқда, дея хабар бермоқда журналист Экрем Конур.
Англия гранди Троссард билан шартномани узайтириш бўйича музокаралар олиб бормоқда, бироқ футболчининг маош бўйича талаблари туфайли музокаралар ҳозирча муваффақиятли якунланмади. Вазиятни Премьер-лиганинг бошқа клублари, шунингдек, Ла Лига, А Серия ва Саудия Арабистони чемпионати вакиллари кузатиб бормоқда.
