Qanot himoyachisi Alvaro Karreras Lissabonning "Benfika" klubidan Madridning "Real" klubiga o‘tmoqda. Bu haqda jurnalist va insayder Fabrisio Romano X ijtimoiy tarmog‘ida ma’lum qildi.
Manbaga ko‘ra, "Real" 22 yoshli ispaniyalik futbolchini tibbiy ko‘rikdan o‘tkazishni rejalashtirgan, "Benfika" esa tez orada Madridga uchib ketishni ma’qullagan. Qayd etilishicha, futbolchiga bo‘lgan huquqlarning bir qismiga egalik qiluvchi "Manchester Yunayted" qayta sotib olish imkoniyatini faollashtirmasligini ma’lum qilgan.
Avvalroq bitim qiymati 50 mln yevroni tashkil etishi xabar qilingandi. Shu bilan birga, "qaymoqranglilar" shartnoma bo‘yicha bir martalik to‘lov o‘rniga to‘lov bir necha bosqichda amalga oshirilishini kelishib olishga muvaffaq bo‘lishdi.
