Қанот ҳимоячиси Альваро Каррерас Лиссабоннинг "Бенфика" клубидан Мадриднинг "Реал" клубига ўтмоқда. Бу ҳақда журналист ва инсайдер Фабрицио Романо Х ижтимоий тармоғида маълум қилди.
Манбага кўра, "Реал" 22 ёшли испаниялик футболчини тиббий кўрикдан ўтказишни режалаштирган, "Бенфика" эса тез орада Мадридга учиб кетишни маъқуллаган. Қайд этилишича, футболчига бўлган ҳуқуқларнинг бир қисмига эгалик қилувчи "Манчестер Юнайтед" қайта сотиб олиш имкониятини фаоллаштирмаслигини маълум қилган.
Аввалроқ битим қиймати 50 млн еврони ташкил этиши хабар қилинганди. Шу билан бирга, "қаймоқранглилар" шартнома бўйича бир марталик тўлов ўрнига тўлов бир неча босқичда амалга оширилишини келишиб олишга муваффақ бўлишди.
