"An-Nasr" klubi "Milan" futbolchisi Kristian Pulishichni o‘z safiga qo‘shib olishga urinishda davom etmoqda.

Saudiyaliklar 26 yoshli vingerga qiziqish bildirayotgani biroz avvalroq ma’lum bo‘lgandi. La Gazzetta dello Sport xabariga ko‘ra, "An-Nasr" allaqachon Pulishich bilan bog‘langan, ammo hozircha "Milan"ga murojaat qilmagan. "Rossonerilar" rahbariyati amerikalik futbolchini loyihaning asosiy figurasi deb hisoblaydi, shu bois uni sotish niyatida emas.

"Transfermarkt" portalida Kristian Pulishichning taxminiy narxi - 50 mln yevro. Futbolchining "Milan" bilan amaldagi shartnomasi 2027 yilgacha mo‘ljallangan, shuningdek, shartnomani avtomatik ravishda bir yilga uzaytirish imkoniyati ham mavjud.