"Ан-Наср" клуби "Милан" футболчиси Кристиан Пулишични ўз сафига қўшиб олишга уринишда давом этмоқда.
Саудияликлар 26 ёшли вингерга қизиқиш билдираётгани бироз аввалроқ маълум бўлганди. La Gazzetta dello Sport хабарига кўра, "Ан-Наср" аллақачон Пулишич билан боғланган, аммо ҳозирча "Милан"га мурожаат қилмаган. "Россонерилар" раҳбарияти америкалик футболчини лойиҳанинг асосий фигураси деб ҳисоблайди, шу боис уни сотиш ниятида эмас.
"Transfermarkt" порталида Кристиан Пулишичнинг тахминий нархи - 50 млн евро. Футболчининг "Милан" билан амалдаги шартномаси 2027 йилгача мўлжалланган, шунингдек, шартномани автоматик равишда бир йилга узайтириш имконияти ҳам мавжуд.
