"Liverpul" vingeri Luis Dias "Bavariya"ning transfer maqsadi bo‘lib qolmoqda. 28 yoshli futbolchi agar ma’qul taklif tushsa, Myunxenga ko‘chib o‘tishga tayyor, ammo klublar o‘rtasida hali rasmiy muzokaralar olib borilmayapti. Shunga qaramay, jurnalist Florian Plettenbergning ma’lum qilishicha, "Bavariya" kolumbiyalik futbolchiga 2029 yoki 2030 yilgacha mo‘ljallangan shartnoma taklif qilishni rejalashtirmoqda. "Liverpul" futbolchi uchun 70-80 mln yevro talab qilmoqda.
Luis Diasga "Barselona" va Saudiya Arabistoni chempionati vakillari ham qiziqish bildirayotgan edi. Transfermarkt ekspertlari 2022 yil boshidan buyon "Liverpul" sharafini himoya qilayotgan vingerning narxini 70 mln yevroga baholamoqda.
