"Ливерпуль" вингери Луис Диас "Бавария"нинг трансфер мақсади бўлиб қолмоқда. 28 ёшли футболчи агар маъқул таклиф тушса, Мюнхенга кўчиб ўтишга тайёр, аммо клублар ўртасида ҳали расмий музокаралар олиб борилмаяпти. Шунга қарамай, журналист Флориан Плеттенбергнинг маълум қилишича, "Бавария" колумбиялик футболчига 2029 ёки 2030 йилгача мўлжалланган шартнома таклиф қилишни режалаштирмоқда. "Ливерпуль" футболчи учун 70-80 млн евро талаб қилмоқда.

Луис Диасга "Барселона" ва Саудия Арабистони чемпионати вакиллари ҳам қизиқиш билдираётган эди. Transfermarkt экспертлари 2022 йил бошидан буён "Ливерпуль" шарафини ҳимоя қилаётган вингернинг нархини 70 млн еврога баҳоламоқда.