Madridning "Atletiko" klubi "Botafogo" hujumkor yarim himoyachisi Tyago Almada transferi ustida ish boshladi.
Shanba kuni "matraschilar" 24 yoshli futbolchi bo‘yicha so‘rov bilan murojaat qilib, ehtimoliy bitim shartlarini bilib olishdi, deya xabar bermoqda insayder Fabrisio Romano. Argentinalik futbolchining transferiga "Botafogo" bilan muzokaraga kirishgan Portugaliyaning "Benfika" klubi ham qiziqish bildirmoqda.
Tyago Almada 2024/25 yilgi mavsumning ikkinchi yarmini Fransiyaning "Lion" klubida ijarada o‘tkazdi va "to‘quvchilar" safida 20 ta o‘yinda 2 ta gol va 5 ta golli uzatmani amalga oshirdi. Argentina terma jamoasi futbolchisining Transfermarkt talqiniga ko‘ra, narxi 25 mln yevroni tashkil etadi.













