Milanning "Inter" klubi markaziy himoyachisi Franchesko Acherbining kelajagi mavhumligicha qolmoqda.

37 yoshli futbolchi sobiq bosh murabbiy Simone Indzagining ishonchiga sazovor bo‘lgandi, Kristian Kivuning kelishi bilan vaziyat o‘zgardi. Jurnalist Paskuale Guarroga ko‘ra, endi ikki tomon - futbolchi ham, klub ham xayrlashish haqida o‘ylamoqda. Katta ehtimol bilan "neradzurrilar" faxriyni yozda, shartnoma muddati tugashidan bir yil oldin qo‘yib yuborishadi.

Franchesko Acherbi 2024/25 yilgi mavsumda "Inter" safida 35 ta o‘yinda maydonga tushib, 1 ta gol va 2 ta golli uzatma muallifi bo‘ldi. Transfermarkt portali italiyalik futbolchining narxini 3 mln yevroga baholamoqda.