Миланнинг "Интер" клуби марказий ҳимоячиси Франческо Ачербининг келажаги мавҳумлигича қолмоқда.
37 ёшли футболчи собиқ бош мураббий Симоне Индзагининг ишончига сазовор бўлганди, Кристиан Кивунинг келиши билан вазият ўзгарди. Журналист Паскуале Гуаррога кўра, энди икки томон - футболчи ҳам, клуб ҳам хайрлашиш ҳақида ўйламоқда. Катта эҳтимол билан "нерадзуррилар" фахрийни ёзда, шартнома муддати тугашидан бир йил олдин қўйиб юборишади.
Франческо Ачерби 2024/25 йилги мавсумда "Интер" сафида 35 та ўйинда майдонга тушиб, 1 та гол ва 2 та голли узатма муаллифи бўлди. Transfermarkt портали италиялик футболчининг нархини 3 млн еврога баҳоламоқда.
