Lissabonning "Sporting" klubi hujumchisi Viktor Dyokeresh Londonning "Arsenal" klubiga o‘tish uchun boshqa klublarga rad javobini berdi.

Insayder Fabrisio Romanoning ta’kidlashicha, shvesiyalik futbolchi Saudiya Arabistoni klublari unga ancha katta maosh taklif qilgan bo‘lsa-da, faoliyatni davom ettirish uchun qaysi joyni afzal ko‘rishi borasida hech qanday shubhaga bormagan. 27 yoshli futbolchi anchadan oldin "kanonirlar" safiga o‘tishga qaror qilgan - bitim amalga oshish arafasida.

Viktor Dyokeresh o‘tgan mavsumda "Sporting" safida 52 ta o‘yinda 54 ta gol urdi va 13 ta golli uzatmani amalga oshirdi. Hujumchining transfer narxi bonuslarni hisobga olgan holda 70 mln yevrodan ko‘proqni tashkil qiladi.