Лиссабоннинг "Спортинг" клуби ҳужумчиси Виктор Дьёкереш Лондоннинг "Арсенал" клубига ўтиш учун бошқа клубларга рад жавобини берди.

Инсайдер Фабрицио Романонинг таъкидлашича, швециялик футболчи Саудия Арабистони клублари унга анча катта маош таклиф қилган бўлса-да, фаолиятни давом эттириш учун қайси жойни афзал кўриши борасида ҳеч қандай шубҳага бормаган. 27 ёшли футболчи анчадан олдин "канонирлар" сафига ўтишга қарор қилган - битим амалга ошиш арафасида.

Виктор Дьёкереш ўтган мавсумда "Спортинг" сафида 52 та ўйинда 54 та гол урди ва 13 та голли узатмани амалга оширди. Ҳужумчининг трансфер нархи бонусларни ҳисобга олган ҳолда 70 млн евродан кўпроқни ташкил қилади.