"RB Leypsig" Yoxan Bakayoko bilan shartnoma imzolaydi.
Nemis klubi PSV bilan 22 yoshli vinger transferi bo‘yicha prinsipial kelishuvga erishdi, deya xabar bermoqda Sky Sport jurnalisti Florian Plettenberg.
"Leypsig" futbolchi uchun 18 mln yevro to‘laydi, shuningdek, 4 mln yevro miqdorida bonus to‘lovlari ham ko‘zda tutilgan. Futbolchi seshanba yoki chorshanba kuni tibbiy ko‘rikdan o‘tadi va 2030 yilgacha mo‘ljallangan shartnoma imzolaydi.
Belgiyalik futbolchiga "Bayer" va Dortmundning "Borussiya" klublari ham qiziqish bildirgan.
Niderlandiya chempionatining o‘tgan mavsumida Bakayoko 30 ta o‘yinda maydonga tushib, 9 ta gol va 10 ta golli uzatmani amalga oshirdi.













