"РБ Лейпциг" Йохан Бакайоко билан шартнома имзолайди.
Немис клуби ПСВ билан 22 ёшли вингер трансфери бўйича принципиал келишувга эришди, дея хабар бермоқда Sky Sport журналисти Флориан Плеттенберг.
"Лейпциг" футболчи учун 18 млн евро тўлайди, шунингдек, 4 млн евро миқдорида бонус тўловлари ҳам кўзда тутилган. Футболчи сешанба ёки чоршанба куни тиббий кўрикдан ўтади ва 2030 йилгача мўлжалланган шартнома имзолайди.
Бельгиялик футболчига "Байер" ва Дортмунднинг "Боруссия" клублари ҳам қизиқиш билдирган.
Нидерландия чемпионатининг ўтган мавсумида Бакайоко 30 та ўйинда майдонга тушиб, 9 та гол ва 10 та голли узатмани амалга оширди.
